إرث الإنسان أطول .. رسالة ياسمين ثروت للأجيال الجديدة
حلت ياسمين ثروت، رائدة الأعمال العربية، ضيفة على برنامج Mini Talks، الذي تقدمه الإعلامية هند رضا، على جميع منصات آخر خبر TV، وكشفت خلال اللقاء عن الرسالة التي توجهها للأجيال الجديدة.
إرث الإنسان هو الذي يدوم
وقالت ياسمين ثروت، رائدة الأعمال العربية : أكتر جملة أنا بحبها هي إرث الإنسان أطول، إحنا لازم يكون لينا تأثير، وكل ست فعلاً جواها نور لازم هي اللي تدور عليه تضويه بنفسها، ولما تعرف هي عايزة إيه، ستات كتير بيقرروا إنهم يغيروا مجال شغلهم، لأنهم لو حبوا المجال اللي هما فيه هينجحوا، وأنا بقول الكلام ده لبنتي وكل اللي بيشتغلوا معايا.
سر النجاح
وتحدثت ياسمين ثروت من قبل عن سر النجاح في حياتها، وقالت : العطاء أهم الحاجات اللي اتعلمتها من أمي، أما الكبرياء دي حاجة بشعة بحاول أهرب منه خالص، وقيمتي في أمانتي لو مش هعرف أعمل إيفنت دلوقتي بكون صريحة، وممكن حد يقول ليه لا ما أنتي هتكسبي منه، لكن أنا بكون أمينة وبقول ما ينفعش، لأني أنا ببص للعميل كعلاقة طويلة وممتدة، والولاء والصفة بيولد التكرار،
الساحل وجهة عالمية
وقالت ياسمين ثروت من قبل عن الساحل كوجهة عالمية : من 3 سنين فقط من العمل في مدينه العلمين الجديدة، محدش يتخيل كل التقدم اللي بقت فيه دلوقتي، وتابعت : عملنا فاشن شو لـ مايكل سينكو من دبي مستوحى بالكامل من الفراعنة، وده من أغلى الإيفنتات على قلبي وكنت فخورة جداً إن حاجة زي دي تحصل في العلمين الجديدة، ومن زمان كنا شايفين اللي بيحصل ده دلوقتي هيحصل وأكتر وأكتر.
أجمل شاطئ البحر المتوسط
وأضافت : الساحل مفيش زيه، وهو من أجمل شواطئ البحر المتوسط، وأنا دايماً بشوف بلدي أحسن بلد وأحلى بلد، وطبعا لو اهتمينا بالخطوات اللي المطورين ماشيين فيها دلوقتي، وكل الفعاليات اللي بتحصل مصر هتكون في حتة تانية خالص، استثمارات وسياحة ووجهة عالمية، وأنا كل الناس دلوقتي بيكلموني من كل البلاد العربية وأمريكا والعالم كله عايزين ييجوا، لأن بالنسبة لهم الساحل ده مفيش زيه.
تفاصيل مبادرة يلا ساحل
تم الإعلان مؤخراً، عن إطلاق مبادرة يلا ساحل، التي تجمع كبرى شركات التطوير العقاري تحت مظلة موحدة، في خطوة تعكس تكامل وتوحيد جهود القطاع لتعزيز مكانة الساحل الشمالي كوجهة سياحية وترفيهية واستثمارية عالمية، وجاء الإعلان خلال مؤتمر صحفي استضافه G Hotel سيدي عبدالرحمن، بحضور نخبة من كبار المطورين العقاريين، ورجال الأعمال، وصناع القرار، إلى جانب عدد من الإعلاميين والشخصيات العامة.
