كزبرة : محمود الثاني شبهي في فكرة الشاب البسيط اللي مستني فرصة
استضافت الإعلامية منى الشاذلي أبطال وصناع فيلم محمود التاني في حلقة خاصة الليلة من برنامج معكم منى الشاذلي، بالتزامن مع عرض الفيلم في دور السينما، وشارك في الحلقة كل من أحمد بحر الشهير بـ كزبرة، أحمد غزي، كارولين عزمي، جنى الأشقر، المنتج طارق الجنايني، والمخرج عبدالعزيز النجار.
وتحدث أبطال وصناع محمود التاني خلال الحلقة عن كواليس تصوير الفيلم، وتفاصيل تجربتهم في العمل، إلى جانب عدد من المواقف التي جمعتهم خلال فترة التصوير، وردود الفعل التي تلقاها الفيلم منذ طرحه في دور العرض.
وقال أحمد بحر : شخصية محمود تشبهني في فكرة الشاب والمواطن البسيط، وطول الوقت هو مستني فرصة واحدة لأنه عارف إن مفيش فرص كتيرة هتجيله، والفرصة دي لما بتجيله خلاص مش هتيجي تاني، وعشان كده بيعمل أي حاجة عشان يستغلها صح.
كزبرة : مش راضي عن اللي بعمله
وأضاف : أنا بتوتر لما بقعد في اللقاءات وما بعرفش أتكلم، ومش من الأشخاص اللي بتعرف تتكلم عن نفسها أوي أو تقول قد إيه بتتعب أو بحب المهنة دي، وطول الوقت عندي صراع مع نفسي، مش عايز أثبت حاجة للناس لكن عايز أثبت لنفسي، وطول الوقت حاسس إن أنا مش راضي عن اللي بعمله أو ما عملتش اللي عليا.
وتابع : عشان كده بشتغل أكتر، وبحب المهنة دي بجد وبشتغل بكل ما عندي وكل طاقتي فيها، ومع الوقت الناس هتبتدي تفهم قد إيه أنا شخص بتعب والوقت هيثبت وإن شاء الله خير.
برومو محمود التاني
وكشف الإعلان التشويقي لفيلم محمود التاني عن مفارقات كوميدية تجمع بين كزبرة وأحمد غزي، حيث يظهر الثنائي وهما يتبادلان الشخصيات ويعيشان حياتين مختلفتين تمامًا بين الأجواء الشعبية وعالم الرفاهية والأثرياء، في إطار مليء بالمواقف الساخرة والكوميديا.
وظهر كزبرة خلال البرومو وهو يحاول التأقلم مع حياة أحمد غزي المترفة، بداية من الملابس الفاخرة والإتيكيت وحتى التعامل مع التكنولوجيا الحديثة، بينما يعيش أحمد غزي الأجواء الشعبية الخاصة بكزبرة، ما يضعهما في سلسلة من المواقف الكوميدية غير المتوقعة.
أبطال وصناع فيلم محمود التاني
ويشارك في بطولة فيلم محمود التاني بجانب كزبرة وأحمد غزي كل من كارولين عزمي وجنا الأشقر وتامر هجرس، نور النبوي كضيف شرف، وآخرين، والعمل من تأليف إياد صالح، وإخراج عبدالعزيز النجار، وإنتاج طارق الجنايني.
نجاح فيلم الحريفة
وفيلم محمود التاني يجمعهما للمرة الثالثة بعد فيلمي الحريفة بجزئيه، والذي عُرض الجزء الأول منه في يناير 2024، وحقق أكثر من 75 مليون جنيه إيرادات، فيما حصد الجزء الثاني - الريمونتادا نحو 128 مليون جنيه، واحتل قائمة الأعمال الأكثر تحقيقًا للإيرادات.
