الجزء الثاني من ثامن حلقات Mini Talks .. كيف غيرت ياسمين ثروت وجه السياحة والفعاليات في مصر؟
حلت ياسمين ثروت، رائدة الأعمال العربية، ضيفة على برنامج Mini Talks، الذي تقدمه الإعلامية هند رضا، على جميع منصات آخر خبر TV، وكشفت ياسمين في الجزء الثاني من اللقاء دورها في تغيير وجه السياحة والفعاليات في مصر.
الأسعار في الساحل طبيعية
وقالت ياسمين ثروت رائدة الأعمال العربية : الأسعار في الساحل الشمالي مبالغ فيها بس ده طبيعي، لأن ده مكان سياحي، وكلنا لما بنسافر بره مصر بنلاقي الأسعار غالية، وانا لما بسافر خارج مصر ومعايا تيم وبننتقل من مكان لمكان التكلفة طبيعي تكون أكتر.
الساحل وجهة عالمية
وتحدثت ياسمين ثروت عن الساحل كوجهة عاملية، وقالت : من 3 سنين فقط من العمل في مدينه العلمين الجديدة، محدش يتخيل كل التقدم اللي بقت فيه دلوقتي، وتابعت : عملنا فاشن شو لـ مايكل سينكو من دبي مستوحى بالكامل من الفراعنة، وده من أغلى الإيفنتات على قلبي وكنت فخورة جداً إن حاجة زي دي تحصل في العلمين الجديدة، ومن زمان كنا شايفين اللي بيحصل ده دلوقتي هيحصل وأكتر وأكتر.
أجمل شاطئ البحر المتوسط
وأضافت : الساحل مفيش زيه، وهو من أجمل شواطئ البحر المتوسط، وأنا دايماً بشوف بلدي أحسن بلد وأحلى بلد، وطبعا لو اهتمينا بالخطوات اللي المطورين ماشيين فيها دلوقتي، وكل الفعاليات اللي بتحصل مصر هتكون في حتة تانية خالص، استثمارات وسياحة ووجهة عالمية، وأنا كل الناس دلوقتي بيكلموني من كل البلاد العربية وأمريكا والعالم كله عايزين ييجوا، لأن بالنسبة لهم الساحل ده مفيش زيه.
أهم الأحداث في الساحل الشمالي
وقالت ياسمين ثروت، رائدة الأعمال العربية، في تصريح خاص : عاملين إيفينت للخيل على البحر، في مارينا، وكمان إيفنت مستحضرات التجميل لـ شادي إسماعيل، ودي النسخة التانية ليه وهتكون في مكان مختلف، ودي بتجمع براندات مصرية وغير مصرية، وبنشجع البراندات الصغيرة إنها تكون معانا، وبنتكلم عن الحاجات اللي بتفيد المرأة، ومواضيع كتير جداً في المجال الطبي والعناية بالبشرة والتجميل، وفي كمان إيفنتات كتير للترفيه.
تفاصيل مبادرة يلا ساحل
تم الإعلان مؤخراً، عن إطلاق مبادرة يلا ساحل، التي تجمع كبرى شركات التطوير العقاري تحت مظلة موحدة، في خطوة تعكس تكامل وتوحيد جهود القطاع لتعزيز مكانة
الساحل الشمالي كوجهة سياحية وترفيهية واستثمارية عالمية، وجاء الإعلان خلال مؤتمر صحفي استضافه G Hotel سيدي عبدالرحمن، بحضور نخبة من كبار المطورين العقاريين، ورجال الأعمال، وصناع القرار، إلى جانب عدد من الإعلاميين والشخصيات العامة.
