الآثار الجانبية للتروما .. شايان رمضان خبيرة العلاج بالصدمات توضح
حلت شايان رمضان، خبيرة العلاج بالصدمات، ضيفة على برنامج Mini Talks، الذي تقدمه هند رضا، ويعرض على منصات آخر خبر TV، وتحدثت شايان عن الأثار الجانبية للـ Trauma، وما يمكن أن تسببه من أمراض مزمنة ومناعية.
الآثار الجانبية للـ Trauma
وقالت شايان رمضان : أخطر حاجة ممكن تعملها التروما في الجسم هي الأمراض المزمنة والأمراض المناعية، لأن الجسم لما مش بيرتاح ويحوش حاجات كتير، بيبدأ يهاجم نفسه، و80% من الأمراض المناعية بتيجي للستات لأنهم مش قادرين يقولوا كلمة لأ، لأننا إحنا اللي بنحتوي وبنشيل المسؤوليات ومحتاجين نريح كل اللي حوالينا، وانا هاجي على نفسي طول الوقت.
وتابعت : الجسم بيحارب نفسه طول الوقت، فتبدات ظهر أمراض المناعة والقلب والضغط والجهاز الهضمي، لأن أي حد متنشط مش بينام كويس وضربات القلب بتكون عالية، وقتها بنفتكر إننا مضغوطين، ومش بنفكر إننا ممكن يكون عندنا تروما.
معنى الـ Trauma
كما كشفت شايان من قبل تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
ليه بخاف أقول مشاعري؟
كما كشفت شايان رمضان من قبل عن سبب عدم إخفاء المشاعر، وقالت : في ناس لما بتقول مشاعرها بتتهاجم، وبتكون مش مقبولة، واللي حواليهم بيهاجموهم، وبيكونوا هما الغلط في وجهة نظر الناس واللي قصادهم هما الصح.
وتابعت : لما بنخش في علاقات زوجية، في حد بيفضل يشيل وبيكون قليل الكلام، ومش متصل بجسمه، علشام مش عايز يحس بعدم الأمان.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
