التعافي مش إنك تنسى .. شايان رمضان خبيرة العلاج بالصدمات توضح
واصلت حلت شايان رمضان، خبيرة العلاج بالصدمات، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وتحدثت خلال اللقاء عن التعافي بعد الـ Trauma، والوقت الذي يحتاجه كل شخص لتجاوز الأزمات.
التعافي مش إنك تنسى
وقالت شايان رمضان : ممكن بعد مرور سنتين مثلاً على الـ Trauma، تتمحي من الذاكرة، لكن هتبقى في الذكرة بس مش متنشطة وتوجعك زي الأول، ونفتكرها لكن مش هنتأثر بيها ويكون عندنا مناعة منها، وتابعت : في كذا نوع من التروما، زي فقد حد عزيز علينا، كل صدمة بنتعامل معاها بطريقة معينة.
معنى الـ Trauma
كما كشفت شايان من قبل تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
إزاي تقومي بعد الطلاق؟
كما تحدثت شايان رمضان من قبل عن كيفية تجاوز مرحلة الطلاق، وقالت : لازم نبدأ نعيد التفكير، ونرجع الأمان لجسمنا، وفي ناس بتتزنق هنا، وبتكون مش عارفة تسمع لنفسها، واتنفسي علشان الدم يوصل للمخ، لكن في ناس بتتزنق في الحتة دي ومش بتكون عارفة تعمل إيه، وأهم حاحة إنك تكوني حاسة بدعم، وحد تفضفضي معاه، من غير ما يحسسك بالذنب، اعملي الحاجات اللي بتحبيها وارجعي تاني لنفسك.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
