محمد عبدالرحمن يحكي أسرار عن تامر حسني والسقا وأمير كرارة
كشف محمد عبدالرحمن خلال حواره مع آخر خبر TV، عن كواليس تعاونه مع عدد من النجوم، متحدثًا عن طباعهم خلف الكاميرا والمواقف التي تجمعه بهم، وذلك ضمن فقرة كشف فيها أسرارًا ومواقف لا يعرفها الجمهور.
تامر حسني والتركيز في الشغل
قال محمد عبدالرحمن عن تامر حسني : تامر مركز أوي في الشغل وفي التفاصيل، إحنا مقعدناش مع بعض كتير لأني طلعت معاه مشهد في فيلم، فملحقناش نعرف بعض أوي، لكن هو مركز جدًا.
السقا والأكل
وتحدث عن أحمد السقا، قائلاً : السقا بيبقى متوتر كتير، ولو جعان كمان، ومعايا دايمًا بيفكر في الأكل، يقولي هناكل إيه؟ فأقوله همخمخ، شوف بسرعة جعانين، بس هو دايمًا مهيبر كده.
كريم عبدالعزيز الهادي
وأضاف عن كريم عبدالعزيز : كريم عسل موت، بيبقى قاعد رايق وهادي، ويتكلم معاك ويسأل أخبارك ويفتح مواضيع، أستاذ كبير بجد.
أمير كرارة
وكشف عن علاقته بأمير كرارة : أنا وكرارة بنقعد نناكف في بعض، والأكل بينا حاضر برضو، وهو أكيل جدًا وبياكل وذواقة.
أحمد السعدني والكنبة
وقال عن أحمد السعدني : سعدني عسل، مش عايز حاجة من الدنيا غير يمثل، ويقعد على الكنبة يتفرج على الأهلي ويكسب، وياكل أكلة حلوة ويبقى مبسوط.
مي عمر ومحمد سامي
وأضاف عن مي عمر : مي جدعة جدًا جدًا، رغم إننا اشتغلنا مشهد بس، وكمان بحب محمد سامي جدًا، من أجدع الناس اللي شفتهم في حياتي وعندهم أصل.
كريم محمود عبدالعزيز والأكل
وتابع عن كريم محمود عبدالعزيز : كريم بيتوحد معايا في موضوع الأكل، لكنه مركز جدًا في الشغل، وساعات يبقى حريص قوي على التفاصيل.
مصطفى خاطر والانضباط
وقال عن مصطفى خاطر : خاطر ملتزم جدًا في مواعيده، ودي حاجة موجودة عندنا كلنا، وكمان بيحب الضحك جدًا، برة الكاميرا بيضحك أضعاف اللي بيعمله في التصوير.
مصطفى غريب سواق نص الليل
واختتم مازحًا عن مصطفى غريب
: مصطفى غريب غريب فعلًا، دايمًا بيتأخر عليا وإحنا رايحين صلاة الجمعة، يصحى بدري ويكون لف بالعربية نص الدنيا، عشان كده إحنا مسمينه سواق نص الليل، لأنه مبيقعدش في البيت ثانية.
