الملحن مدين : محمد فؤاد لو غنى كل الأماكن كانت نجحت
حل الملحن مدين، ضيفاً على آخر خبر TV، وتحدث خلال اللقاء عن كواليس أعماله الجديدة التي ورأيه في ألبوم عمر كمال الجديد، وما إذا كانت ستحقق أغنية في كل الأماكن، نجاح أكبر إذا قدمها محمد فؤاد بصوته أم لا.
وقال مدين : أنا مؤمن أن النصيب بيختار صاحبه، وممكن لو كان غناها محمد فؤاد مكنتش نجحت، وممكن كانت تنجح، وده قدر مقدرش أتحكم فيه، وطالما ربنا اختاني إني أقدمها مع عمر كمال، يبقى ده أحسن اختيار.
وتابع : لما عمر كمال غناها، أنا قولت هو يستاهل يعمل ألبوم محترم زي ده، وهو غناها حلو جداً، لكنها مخدتش نصيبها بسبب الجدل اللي كان حواليها، كان أكبر من أن الناس تسمع الأغاني، لكن أتمنى إن الناس يسموعها دلوقتي، بأذن فنية وبعيداً عن المقارنات اللي حصلت.
من شيرين لـ أحمد سعد
كان قد كشف مدين من قبل عن كواليس انتقال أغنية أنا مش فاهمني، وقال : كلمت الشاعر أحمد عيسى وقولتله عايز أعمل حاجة زي أنا كتير، والحاجات اللي فيها المعاناة الشخصية، وأي حد يسمعها يحس إنها بتتكلم عنه، وبصراحة فاجئني بكلمات حلوة قوي، وأنا قعدت أشتغل وخلصتها.
وتابع : كلمت حمدي بدر، وقولتله معايا أغنية من أهم الأغاني اللي عملتها في حياتي، وكان في تتر مسلسل مهم كانت مرشحة تغنية شيرين عبدالوهاب، وبعدها اترشحت بوسي للتتر، وبعدها اتغير المطرب، وبعدها حمدي قالي أنا هعرضها على أحمد سعد، وهو طار بيها وكان في فرحة حسستني بنجاح التجربة قبل ما تنزل.
نجاح أنا مش فاهمني
واحتفل الملحن محمد مدين بتصدر أحدث أعماله الغنائية أنا مش فاهمني، للمطرب أحمد سعد، تريند موقع الفيديوهات يوتيوب بعد أيام من طرحها ضمن ألبومه الحزين لموسم الصيف 2026.
ونشر مدين صورة لتصدر أغنية أنا مش فاهمني عبر حسابه الشخصي على موقع تبادل الصور والفيديوهات انستجرام، معلقا : تريندج.
أحدث أعماله
ويستعد الملحن مدين، لمشاركة تامر عاشور في ألبومه الغنائي الجديد خلال الفترة المقبلة، والذي يشهد تعاونًا فنيًا مميزًا مع عدد من مختلف الشعراء والملحنين، حيث يشارك في الألبوم بـ أغنيتين من ألحانه، تحملان الطابع الدرامي الذي اعتاد الجمهور عليه في تعاونات الثنائي الناجحة سابقًا.
ويعمل تامر عاشور حاليًا على وضع اللمسات النهائية على أغنيات الألبوم، تمهيدًا لطرحه للجمهور قريباً.
