حسن الرداد : نفسي أعمل فيلم رومانسي مع دنيا سمير غانم
حل حسن الرداد ضيفًا على آخر خبر TV، وكشف خلال اللقاء عن إمكانية تعاونه مع دنيا سمير غانم في عمل سينمائي قريباً، ونوعية الأعمال التي يتمنى تقديمها معها.
شاهد بالفيديو ..
وعند سؤاله امتى هنشوف حسن الرداد ودنيا سمير غانم في دويتو سينمائي؟ قال : أتمنى أكيد، دنيا فنانة كبيرة ومهمة، وفنانة أعتقد هي الوحيدة تقريبًا اللي تعتبر فنانة شاملة، تقدر تعمل استعراض، وتقدر تعمل تراجيدي، وتقدر تعمل كوميدي، وناجحة في كل ده بنفس القوة، هي فنانة طبعًا مهمة جدًا جدًا، وبشوفها من حوالي 20 سنة فاتوا ولحد دلوقتي فنانة مميزة جدًا، وأكيد أحب أعمل معاها فيلم،وعن نوعية الأعمال التي يتمنى تقديمها معها، اختتم حديثه: حاجات كتير، أحب أعمل معاها فيلم رومانتيك مثلاً.
آخر أعمال حسن الرداد فى السينما
آخر أعمال حسن الرداد في السينما، فيلم بلوموندو، والذي عُرض فى شهر أغسطس من عام 2023، ودارت أحداثه في إطار رومانسي كوميدي، حول شخصية تميم بلوموندو التي يقدمها حسن الرداد، وهو صاحب شركة عقارات، لكنه شاب طائش ويحب الحياة والمرح، يعيش خلال الأحداث 4 قصص حب مختلفة.
وشارك في بطولة فيلم بلوموندو إلى جانب حسن الرداد كلُ من : هاجر أحمد، رحاب الجمل، محمود حافظ، سماء إبراهيم، محمد محمود، مصطفى أبو سريع، وإنجي وجدان، مع ضيوف الشرف يسرا وإيمي سمير غانم وأيتن عامر ومحمد ثروت وأوس أوس وحمدي الميرغني وميرنا نور الدين، والفيلم من تأليف حازم ومحمد ويفي وإخراج ياسر سامي وإنتاج سامر المحضر.
وقت طويل في تحضيرات
وكان حسن الرداد كان قد تحدث مع آخرخبرTV عن كواليس دوره في فيلم طه الغريب و التجربة بالكامل، خاصة مع وصول فريق العمل إلي آخر يوم تصوير، وقال حسن : إحنا دلوقتي في لوكيشن البيت بتاعي في فيلم طه الغريب، والمكان ده مش مجرد ديكور، ده بيعبّر عن الحالة النفسية للشخصية اللي بقدمها، وكل التفاصيل اللي فيه ليها علاقة بالدراما اللي بيمر بيها، وإحنا الحقيقة خدنا وقت طويل جدًا في التحضير قبل ما نبدأ، لكن أول ما دخلنا التصوير كانت التجربة ممتعة جدًا، الشغل مع المخرج عثمان أبو لبن دايمًا بيبقى فيه تحديات، وده بيخليني متحمس أكتر، وهو دايمًا بيطلب حاجات جديدة ومختلفة من الممثل.
وأضاف : أنا مثلًا مكنتش بركب موتوسيكلات خالص، فكان لازم أتعلم من الأول علشان الشخصية، وكمان عندي مشاهد عزف بيانو، فكنت محتاج أتدرب كويس جدًا، أنا دارس في المعهد العالي للفنون المسرحية، وكان عندنا مواد موسيقى كتير في كل ترم زي الفوكاليز وقراية النوتة وعزف البيانو، وده إداني خلفية كويسة، لكن برضه لازم الواحد يتدرب علشان إيديه تبقى مظبوطة قدام الكاميرا.
