محمد رجب : رقم 1 بقت تضحك وأهم حاجة عندي جودة العمل
ينافس محمد رجب هذا العام بمسلسل قطر صغنطوط، والذي بدأ عرضه في النصف الثاني من رمضان الجاري، وكشف رجب في تصريحات خاصة لـ آخر خبر TV.
وقال رجب، خلال حواره إنه لم يعد يعطي أهمية كبيرة لمفهوم رقم واحد الذي أصبح متداولًا بين الجمهور ووسائل التواصل الاجتماعي، وأضاف رجب : فكرة إن كل واحد بيقول على نفسه رقم واحد بقت رخيصة، والجمهور هو اللي بيحدد الرقم الحقيقي من خلال متابعته وتفاعله، مش إحنا اللي نقدر نعلن على نفسنا رقم واحد.
شاهد الفيديو ..
وأشار إلى أن الظاهرة أصبحت أشبه بالكوميديا، خاصة مع تصاعد التريندات قبل عرض الحلقات: قبل المسلسل بيكون التريند جاهز، وده بيخلي الموضوع شكلنا وحش قدام الجمهور، والموضوع أصبح مرخص وكأنه سبوبة، وكل واحد بيعلن إنه رقم واحد، فبقت تضحك أكثر من إنها بتضيف ليهم.
التركيز على نجاح المسلسل وليس على الترتيب
وأكد رجب أنه يفضل أن يكون تركيزه على جودة العمل الذي يقدمه وليس على ترتيب المسلسل بين المنافسين: أنا مبسوط، ابعدني عن الأرقام والنبي، ماليش دعوة بالأرقام. الجمهور هو الحكم، وأنا ماليش دعوة مين رقم واحد. أهم حاجة إن مسلسلي نجح والجمهور حبه .
وأضاف: المجهود اللي بذلته بان للناس، وقدرت أقدم حاجة جديدة ومختلفة. حتى لو في رقم واحد، بيبقى رقم واحد للموسم فقط، مش رقم واحد على طول. ده مهم جدًا لأن الجمهور يقدر يشوف التطور ويستمتع بالعمل بدون أي مقارنة ضاغطة .
الجمهور هو الحكم النهائي
وتطرق رجب إلى دور الجمهور في تحديد نجاح أي عمل فني: الجمهور هو اللي بيقول مين رقم واحد، واللي بيحكم على العمل. إحنا الفنانين نعمل مجهودنا، ونقدم الأفضل، لكن في النهاية الجمهور هو اللي بيقرر .
وأوضح أن نجاح المسلسل يتحدد من خلال التفاعل والمتابعة، وليس من خلال التريندات أو الأرقام : المهم إن العمل يلمس الناس ويقدم لهم تجربة ممتعة، لما الجمهور يحب العمل، ده مؤشر النجاح الحقيقي، مش مجرد أرقام على مواقع التواصل.
وختم محمد رجب حديثه بالتأكيد على أن الفنان يجب أن يركز على الإبداع والتميز في كل عمل، بعيدًا عن الضغوط الخارجية لتحديد رقم واحد، قائلاً : اللي يهمني إن الناس تتفاعل مع الشغل اللي أقدمه، وتحس بالمجهود اللي بذلته، الأرقام بتيجي كنتيجة طبيعية، مش هدف أساسي.
