آن الرفاعي تتحدث عن الظروف الصعبة التي صنعت شخصيتها القوية
وجهت مصممة الأزياء آن الرفاعي، خلال لقائها في برنامج Mini Talks مع الإعلامية هند رضا عبر منصات آخر خبر TV العديد من الرسائل، وتحدثت عن رحلتها الشخصية والمهنية، والمواقف والظروف الصعبة التي صنعت شخصيتها القوية
الوجع يصنع القوة
وقالت آن الرفاعي في تصريح خاص : الأول ببقى زي ما قلتلك باخد وقتي، لا وبعدين بيقوي طبعاً، نحب نشكر الظروف اللي خلتنا كده، وأضافت : تصدقي فعلاً هي الظروف هي اللي بتشكلنا طبعاً، لأن لو حياتك ماشية كده زي ما هي زي أي حد تاني، يبقى إيه المميز اللي عندي؟ .
شاهد بالفيديو ..
وأكدت آن الرفاعي أن تجارب الحياة الصعبة تمثل نقطة تحول حقيقية في حياة أي شخص، خاصة إذا جاءت في الوقت المناسب الذي يسمح له بالبدء من جديد وإعادة بناء ذاته ومهنته.
الابتلاء طريق للتحول
وتابعت : الحمد لله إن ربنا بيحطك في ابتلاء على حسب إنتي فين وفي سنك إيه، يعني هو حطك دلوقتي في وضع إنتي سنك يسمح إن إنتي تبتدي من أول وجديد.
وأوضحت أن مواجهة الصعوبات في الوقت المناسب، بعيداً عن مرحلة متأخرة في الحياة، يتيح فرصة ذهبية لتطوير النفس وتحقيق نجاحات جديدة : الحمد لله إن ده ما حصلش بعد مثلاً 20 سنة ولا 30 سنة، هترضي بالأمر الواقع، مالكيش قومة، وهتفضلي زي ما إنتي.
الانتقال إلى مرحلة جديدة
وأنهت آن حديثها بالإشارة إلى مرحلة جديدة في حياتها، قائلة : لما ربنا يحطك في ده خلاص، ربنا عايز حياتك تروح في اتجاه تاني خالص. أنا مرتاحة، عاملة اللي عليا وزيادة، وأكدت آن الرفاعي أن قوة الإنسان الحقيقية تأتي من استيعاب التجارب الصعبة، وتحويلها إلى حافز للابتكار والنجاح، وهو ما انعكس على مسيرتها في تصميم الأزياء وإبداعها في كل مشروع جديد.
كوليكشن جديد
وطرحت مصممة الأزياء آن الرفاعي الفترة الماضية كوليكشن جديد خاص بـ رمضان، كما كشفت آن مؤخرًا في تصريح خاص لـ آخر خبر عن خطتها للتوسع عربيًا خلال الفترة المقبلة، وذلك بعد نجاحها في بازار Lokii، قائلة : أستعد لبدء جولة في عدد من العواصم العربية لعرض تصميماتي الجديدة لمجموعة شتاء 2026.
