ريهام الهوارى : التوازن النفسي قبل مظهرك الخارجي
كثيرا ما يشغلنا مظهرنا الخارجي ويحرص الكثيرين على اتباع أحدث تقاليع الموضة لإرضاء النفس والشعور بالرضا فى أعين الآخرين، دون التركيز على الحالة النفسية لكل منهم، والتى تلعب دورا كبيرا فى إحساس الآخرين بهم.
معنى ضبط النفس
وكشفت ريهام الهوارى، كوتش في الظهور العام وأخصائي علم النفس المؤسسي، عن معنى ضبط النفس، وقالت فى تصريحات خاصة لـ آخر خبر TV : إحنا اتعودنا طول عمرنا نحط خطط ونمشي عليها، لكن عمرنا ما اتعلمنا علشان نحط خطة وفعلا تتنفذ، لازم نشتغل على نفسنا، وإننا نبدأ بالتصالح مع النفس وتحديد أولوياتنا، ونسأل نفسنا قدراتنا وسعادتها نلاقيهم فين، ودا هيتم عن طريق التحاور مش النفس بطريقة مطولة، علشان كدا قبل وضع خطة السنة الجديدة، لازم نعرف يعني إيه ضبط النفس، علشان نقدر نحط خطة السنة الجديدة بعملية صافية وواضحة مش متعبة.
مظهر بلا اتزان يساوي مجهود بدون نتيجة
وأضافت : لازم نركز على استعدادنا فى المظهر والاستعداد النفسى كمان، لأن الشكل بيعكس نفسيتنا، حتى لو اخدنا بالنا من شكلنا ومافيش تفصيلة سبتيها، لو النفسية مش مستريحة ومش حاضرة يبقي المظهر مالوش لازمة.
شاهد الفيديو ..
علاقة الاتزان النفسى بالمظهر الخارجي
واستكملت : الشكل بالتأكيد مهم لكن الاتزان النفسى يعكس الحالة النفسية لكل شخص مش العكس، وبالتالي على قد ما تحط مجهود شكلك هيكون إيه فى السنة الجديدة لازم كمان تشتغلي على نفسك، علشان يكون فى صداقة وود ما بينك وبين نفسك.
معنى الثقة بالنفس
وعن معنى الثقة بالنفس، قالت : أول ما بتقولى لنفسك أنا عارفة إيه اللي بيسعدنى ويريحني إيه اللي بيضايقني، الضوضاء الخارجية زى الانتقاد وآراء الناس هتاخدى منها اللي هيحسنك مش اللي هيخليكى تشُكى في قدراتك، وهنا تيجي الثقة، الثقة بالنفس يعني أكون عارفة أنا عايزة أعمل إيه وإمتى وإزاي، ويكون عندى الاستعداد التام لتحمل عواقبه.
