أشرف عبدالباقي يحتفل بآخر يوم عرض لمسرحية الساحل الشرير
احتفل أشرف عبدالباقي وأبطال مسرحية الساحل الشرير بآخر ليلة عرض، وذلك عبر فيديو شاركه عبر حسابه الرسمي على فيسبوك.
رسالة أشرف عبدالباقي
وعلق أشرف عبدالباقي على الفيديو قائلاً : في آخر يوم لمسرحية الساحل الشرير، حابب أشكر أستاذ منصور عامر وإدارة بورتو على التجربة الجميلة دي، وبشكر كل النجوم اللي كانوا معانا في المسرحية وطبعاً الجمهور اللي نورنا خلال الموسم وبوعدكم بعروض تانية كتيرة، وطبعاً كابتن إبراهيم فايق اللي نورنا في آخر يوم من مسرحية الساحل الشرير.
أبطال مسرحية الساحل الشرير
مسرحية الساحل الشرير تدور أحداثها حول المفارقات الإجتماعية في الساحل الشمالي بشكل كوميدي، وهي من بطولة كل من أشرف عبد الباقي وأحمد عبد الوهاب وكارولين عزمي وكريم عفيفي وإبرام سمير، والمسرحية من تأليف كريم سامي وأحمد عبدالوهاب وإخراج أشرف عبدالباقي.
وحرص آخر خبر مؤخراً على التواجد في كواليس مسرحية الساحل الشرير، التي يقدمها أشرف عبدالباقي بمشاركة عدد من النجوم والشباب على مسرح بورتو مارينا بالساحل الشمالي، كما التقي آخر خبر بالنجم أشرف عبدالباقي الذي عبر في تصريح خاص عن سعادته بالإقبال الكبير على المسرحية.
سولد أوت
وقال أشرف عبدالباقي : مبسوطين جدًا الحمد لله، قلنا نعمل حاجة في الساحل، إحنا يمكن بدأنا قبل الإجازات، والأسبوع اللي إحنا فيه ده هو بداية الإجازات، وبكرة تقريبًا آخر يوم في امتحانات الثانوية، فدايمًا بيتقاس المصيف بالثانوية، فبيبقى الإقبال الأكبر بعد ما بتخلص الثانوية، لكن الحمد لله إحنا من الأسبوع اللي فات فتحنا، والحمد لله كنا سولد أوت اليومين اللي فتحناهم.
مسرحية ترى البحر
وتحدث أشرف عبدالباقي عن طبيعة العرض واختلاف تقديمه في الساحل الشمالي، قائلًا : أول ما تخرج من باب المسرح إنت هتكون شايف البحر، ففكرة مسرحية ترى البحر دي كانت زي سلوجان، لكن كمان عملت رد فعل حلو.
وعن أبرز ما يميز مسرحية الساحل الشرير، قال : المختلف هنا إن أنا معايا مجموعة من الشباب الجداد، أنا طبعًا معايا أحمد عبدالوهاب، وكارولين عزمي، وكريم عفيفي، وإبرام، وكريم عفيفي وإبرام تحديدًا عندهم خبرة 150 مسرحية قبل كده، لكن هنا مسرحية مختلفة من فصلين، ومعايا 14 ولد وبنت أول مرة بيشتغلوا معايا.
وتابع : الـ 14 دول من إسكندرية ومن المعهد العالي للفنون المسرحية، الفرع بتاع إسكندرية، ومن مسرح آداب قسم مسرح، فهم ما شاء الله شاطرين جدًا، وعاملين هنا أدوار مميزة وواخدين فرصة كويسة، وأنا مبسوط بيهم جدًا، وبتمنى الناس اللي يشوفوهم كمان يشجعوهم بإذن الله.
