ياسمين ثروت رائدة الأعمال العربية تتحدث عن علاقتها بالسياسة والعمل العام
حلت ياسمين ثروت، رائدة الأعمال العربية، ضيفة على برنامج Mini Talks، الذي تقدمه الإعلامية هند رضا، على جميع منصات آخر خبر TV، وتحدثت خلال اللقاء عن علاقتها بالسياسة والعمل العام.
علاقتها بالسياسة والعمل العام
وقالت ياسمين ثروت رائدة الأعمال العربية في تصريح خاص : أول حاجة عملناها لما اشتغلنا في مؤتمر المناخ في شرم الشيخ، كان احتكاكي بوزارة البيئة وبعض الجهات الحكومية، وشافوا إننا شركة شاطرة وبدأوا يطلبونا في حاجات كتير معاهم، وبدأنا نشتغل في كذا حاجة، أول حاجة كانت مع مجلس القبائل، وأكتر من فاعلية في العريش، وبالنسبة لي كانت مغامرة، لأنها كانت بلد بعيدة ومش كل الناس كانت بترضى تيجي.
وتابعت : كمان اشتغلنا على الحملة الانتخابية لسيادة الرئيس في العريش، وفخورة إني كنت جزء منها، والحاجات دي بتخليني فخروة قوي إني مصرية، وفرحانه جداً ببلدي.
الساحل وجهة عالمية
وتحدثت ياسمين ثروت من قبل عن الساحل كوجهة عالمية، وقالت : من 3 سنين فقط من العمل في مدينه العلمين الجديدة، محدش يتخيل كل التقدم اللي بقت فيه دلوقتي، وتابعت : عملنا فاشن شو لـ مايكل سينكو من دبي مستوحى بالكامل من الفراعنة، وده من أغلى الإيفنتات على قلبي وكنت فخورة جداً إن حاجة زي دي تحصل في العلمين الجديدة، ومن زمان كنا شايفين اللي بيحصل ده دلوقتي هيحصل وأكتر وأكتر.
أجمل شاطئ البحر المتوسط
وأضافت : الساحل مفيش زيه، وهو من أجمل شواطئ البحر المتوسط، وأنا دايماً بشوف بلدي أحسن بلد وأحلى بلد، وطبعا لو اهتمينا بالخطوات اللي المطورين ماشيين فيها دلوقتي، وكل الفعاليات اللي بتحصل مصر هتكون في حتة تانية خالص، استثمارات وسياحة ووجهة عالمية، وأنا كل الناس دلوقتي بيكلموني من كل البلاد العربية وأمريكا والعالم كله عايزين ييجوا، لأن بالنسبة لهم الساحل ده مفيش زيه.
تفاصيل مبادرة يلا ساحل
تم الإعلان مؤخراً، عن إطلاق مبادرة يلا ساحل، التي تجمع كبرى شركات التطوير العقاري تحت مظلة موحدة، في خطوة تعكس تكامل وتوحيد جهود القطاع لتعزيز مكانة
الساحل الشمالي كوجهة سياحية وترفيهية واستثمارية عالمية، وجاء الإعلان خلال مؤتمر صحفي استضافه G Hotel سيدي عبدالرحمن، بحضور نخبة من كبار المطورين العقاريين، ورجال الأعمال، وصناع القرار، إلى جانب عدد من الإعلاميين والشخصيات العامة.
رؤية الدولة للساحل كوجهة متكاملة للاستثمار والسياحة
كشف المؤتمر للمرة الأولى عن رؤية مبادرة يلا ساحل، التي انطلقت استجابةً للطفرة التنموية والعمرانية غير المسبوقة التي يشهدها الساحل الشمالي، في إطار رؤية الدولة المصرية لتطوير المنطقة وتحويلها إلى وجهة متكاملة للاستثمار والسياحة على مدار العام، تمتد من الإسكندرية إلى مطروح.
وتأتي المبادرة بالتزامن مع المشروعات القومية والاستثمارات الاستراتيجية التي تعيد رسم مستقبل الساحل الشمالي، حيث اتحدت مجموعة من كبرى شركات التطوير العقاري تحت مظلتها في خطوة تعكس تكامل جهود القطاع الخاص لدعم هذه الرؤية، والترويج للساحل الشمالي باعتباره وجهة سياحية و ترفيهية واستثمارية متكاملة.
