إبراهيم حسن وزوجته يحضران عرض مسرحية الساحل الشرير بطولة أشرف عبدالباقي
حرص إبراهيم حسن، مدير منتخب مصر الأول لكرة القدم وزوجته على حضور عرض مسرحية الساحل الشرير، بطولة أشرف عبدالباقي، والمقامة ضمن فعاليات موسم صيف 2026 في الساحل الشمالي.
وشهد العرض حضور عدد من نجوم الفن والمشاهير، وسط أجواء احتفالية وتفاعل كبير من الجمهور مع أبطال المسرحية.
أبطال مسرحية الساحل الشرير
مسرحية الساحل الشرير تدور أحداثها حول المفارقات الإجتماعية في الساحل الشمالي بشكل كوميدي، وهي من بطولة كل من أشرف عبد الباقي وأحمد عبد الوهاب وكارولين عزمي وكريم عفيفي وإبرام سمير، والمسرحية من تأليف كريم سامي وأحمد عبدالوهاب وإخراج أشرف عبدالباقي.
وحرص آخر خبر مؤخراً على التواجد في كواليس مسرحية الساحل الشرير، التي يقدمها أشرف عبدالباقي بمشاركة عدد من النجوم والشباب على مسرح بورتو مارينا بالساحل الشمالي، كما التقي آخر خبر بالنجم أشرف عبدالباقي الذي عبر في تصريح خاص عن سعادته بالإقبال الكبير على المسرحية.
سولد أوت
وقال أشرف عبدالباقي : مبسوطين جدًا الحمد لله، قلنا نعمل حاجة في الساحل، إحنا يمكن بدأنا قبل الإجازات، والأسبوع اللي إحنا فيه ده هو بداية الإجازات، وبكرة تقريبًا آخر يوم في امتحانات الثانوية، فدايمًا بيتقاس المصيف بالثانوية، فبيبقى الإقبال الأكبر بعد ما بتخلص الثانوية، لكن الحمد لله إحنا من الأسبوع اللي فات فتحنا، والحمد لله كنا سولد أوت اليومين اللي فتحناهم.
مسرحية ترى البحر
وتحدث أشرف عبدالباقي عن طبيعة العرض واختلاف تقديمه في الساحل الشمالي، قائلًا : أول ما تخرج من باب المسرح إنت هتكون شايف البحر، ففكرة مسرحية ترى البحر دي كانت زي سلوجان، لكن كمان عملت رد فعل حلو.
وعن أبرز ما يميز مسرحية الساحل الشرير، قال : المختلف هنا إن أنا معايا مجموعة من الشباب الجداد، أنا طبعًا معايا أحمد عبدالوهاب، وكارولين عزمي، وكريم عفيفي، وإبرام، وكريم عفيفي وإبرام تحديدًا عندهم خبرة 150 مسرحية قبل كده، لكن هنا مسرحية مختلفة من فصلين، ومعايا 14 ولد وبنت أول مرة بيشتغلوا معايا.
وتابع : الـ 14 دول من إسكندرية ومن المعهد العالي للفنون المسرحية، الفرع بتاع إسكندرية، ومن مسرح آداب قسم مسرح، فهم ما شاء الله شاطرين جدًا، وعاملين هنا أدوار مميزة وواخدين فرصة كويسة، وأنا مبسوط بيهم جدًا، وبتمنى الناس اللي يشوفوهم كمان يشجعوهم بإذن الله.
