كريم عفيفي يكشف تفاصيل شخصيته في الساحل الشرير وأجواء العمل بالساحل الشمالي
تحدث كريم عفيفي عن تفاصيل شخصيته في مسرحية الساحل الشرير، خلال لقاء خاص مع آخر خبر من كواليس عرض المسرحية على مسرح بورتو مارينا بالساحل الشمالي، كما كشف عن تجربته الأولى في تقديم مسرحية هناك، وأجواء العمل مع فريق المسرحية.
دوره في مسرحية الساحل الشرير
وعن شخصيته في المسرحية، قال كريم عفيفي : بعمل دور رجل مدير بنك، ومن رواد الساحل الشرير، وهو غني جداً، وشايف الموضوع بعنصرية وطبقية جدًا، وشايف الناس بتوع الساحل التاني يروحوا يقعدوا هناك، إحنا ناس دافعة فلوس كتير، ما ينفعش حد يقعد معانا، ومصعب الدنيا أوي على نفسه وعلى اللي حواليه، بيتعرض بقى لمواقف كتير عكس شخصيته دي، فبنشوف بقى بيتصرف فيها إزاي.
وعن تجربته في تقديم المسرح بالساحل الشمالي، قال : أنا بالنسبة لي تقريبًا أول مرة أعمل مسرحية هنا في الساحل، يعني دي أول سنة أعمل كده، دايمًا عملت مسرحيات بتبقى في القاهرة، أنستونا كانت هناك في القاهرة، وعملت مسرحيات في السعودية، أول مرة أعمل مسرحية هنا في الساحل، فبالنسبة لي الموضوع كله مختلف.
وتحدث كريم عفيفي عن كواليس المسرحية، قائلًا : الكواليس هي هي، من أول سنة لحد دلوقتي، الكواليس كلها لذيذة، ما بتبقاش قفش وشغل، لا بنشتغل بس والدنيا كلها لذيذة، الدنيا فكة، أكل بس، يعني تحس إن إحنا في رحلة.
أبطال مسرحية الساحل الشرير
مسرحية الساحل الشرير تدور أحداثها حول المفارقات الإجتماعية في الساحل الشمالي بشكل كوميدي، وهي من بطولة كل من أشرف عبد الباقي وأحمد عبد الوهاب وكارولين عزمي وكريم عفيفي وإبرام سمير، وآخرين، والمسرحية من تأليف كريم سامي وأحمد عبدالوهاب وإخراج أشرف عبدالباقي.
قصة مسرحية الساحل الشرير
مسرحية الساحل الشرير، هي أولى عروض فرقة سوكسيه، وتدور أحداثها في إطار كوميدي اجتماعي، حول المفارقات والمواقف المضحكة التي تنشأ نتيجة الصدام بين عائلتين من ثقافتين مختلفتين تجمعهما الظروف داخل مجمع سكني واحد في الساحل الشمالي، وما يترتب على ذلك من سوء فهم ومفارقات طريفة بين الجيران خلال فترة الإجازة الصيفية
