الجزء الثاني من سادس حلقات Mini Talks .. كيف تستعيد أمان جسمك ؟
تحدثت شايان رمضان، خبيرة العلاج بالصدمات، ضيفة الحلقة السادسة من برنامج Mini Talks، الذي تقدمه الإعلامية هند رضا، والمذاع عبر منصات آخر خبر TV، في الجزء الثاني من الحلقة عن أهمية الشعور بالأمان والتواصل الاجتماعي، وعلامات تفريغ الطاقة المحتبسة داخل الجسم، وعلاج الصدمات بالأمراض المناعية، وطريقة تهدئة الجهاز العصبي.
طريقة الحماية من الـ Trauma
وكشفت شايان رمضان طرق الحماية من الـ Trauma، وقالت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
واختتمت : ساعات بكون في حتة خطر وبكون عايزة أجري لكن مش بعرف، وقتها كل الطاقة بتروح للرجل، لكنها مش بتتحرك، نفس الحاجة في التجمد بتكون عايز تعمل حاجة، لكن أنا لا عارفة أجري ولا عارفة أعمل أي حاجة، واتجمدت في مكاني مش علشان حاجة غير أنه عايز يحميني.
شد الفيشة من جسمك
وقالت شايان رمضان : إحنا في الجلسات بنمشي بأبطأ حاجة علشان الجهاز العصبي يرجع لطبيعته، واللي بيرحنا إننا نفصل ونشد الفيشة.
ليه بخاف أقول مشاعري؟
وعن سبب إخفاء المشاعر، قالت شايان رمضان : في ناس لما بتقول مشاعرها بتتهاجم، وبتكون مش مقبولة، واللي حواليهم بيهاجموهم، وبيكونوا هما الغلط في وجهة نظر الناس واللي قصادهم هما الصح، وأضافت : لما بنخش في علاقات زوجية، في حد بيفضل يشيل وبيكون قليل الكلام، ومش متصل بجسمه، علشام مش عايز يحس بعدم الأمان.
إزاي تقومي بعد الطلاق؟
كما تحدثت شايان خلال اللقاء عن مرحلة ما بعد الطلاق وكيف تتخطى الـ Trauma، وكيف تعود الست لنفسها وشخصيتها بعد الطلاق، وقالت : المفروض الست وقتها ترجع الأمان لنفسها، وتقول لجسمها إن آه دي حاجة كبيرة، وأنا فعلاً زعلانة ومش عارفة أعمل إيه مع الولاد، وأنا فيا اللي مكفيني وشايلة شيلة كبيرة، ومضطرة أتعامل مع بابا الأولاد.
وتابعت : لازم نبدأ نعيد التفكير، ونرجع الأمان لجسمنا، وفي ناس بتتزنق هنا، وبتكون مش عارفة تسمع لنفسها، واتنفسي علشان الدم يوصل للمخ، لكن في ناس بتتزنق في الحتة دي ومش بتكون عارفة تعمل إيه، وأهم حاحة إنك تكوني حاسة بدعم، وحد تفضفضي معاه، من غير ما يحسسك بالذنب، اعملي الحاجات اللي بتحبيها وارجعي تاني لنفسك.
