شد الفيشة من جسمك .. شايان رمضان خبيرة العلاج بالصدمات توضح
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه هند رضا، ويعرض على منصات آخر خبر TV، وتحدثت شايان عن كيفية إعادة الأمان للجهاز العصبي.
شد الفيشة من جسمك
وقالت شايان رمضان : إحنا في الجلسات بنمشي بأبطأ حاجة علشان الجهاز العصبي يرجع لطبيعته، واللي بيرحنا إننا نفصل ونشد الفيشة.
معنى الـ Trauma
كما كشفت شايان من قبل تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
ليه بخاف أقول مشاعري؟
كما كشفت شايان رمضان من قبل عن سبب عدم إخفاء المشاعر، وقالت : في ناس لما بتقول مشاعرها بتتهاجم، وبتكون مش مقبولة، واللي حواليهم بيهاجموهم، وبيكونوا هما الغلط في وجهة نظر الناس واللي قصادهم هما الصح.
وتابعت : لما بنخش في علاقات زوجية، في حد بيفضل يشيل وبيكون قليل الكلام، ومش متصل بجسمه، علشام مش عايز يحس بعدم الأمان.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
