ردود فعلك في المواقف مش دايمًا ضعف .. شايان رمضان معالجة الصدمات بالخبرة الجسدية توضح
حلت شايان رمضان، معالجة الصدمات بالخبرة الجسدية، ضيفة على برنامج Mini Talks، الذي تقدمه الإعلامية هند رضا، عبر منصات آخر خبر TV، وتحدثت خلال اللقاء عن التروما - Trauma، وأن ردود الفعل في بعض المواقف ليست دايمًا ضعف، وأنها في كثير من الأوقات تكون هذه طريقة من الجهاز العصبي لكي يحمي الأشخاص.
طريقة الحماية من الـ Trauma
وأضافت : في 3 طرق للجهاز العصبي يحمي بيها الجسم، هما القتال والهروب والتجمد، الجسم هنا لم بيتحط في موقف هو مش قادر يستوعب الضغط بتاعه ده، بتلاقي الجهاز العصبي عايز يحميكي، هنا بيجمع الطاقة في إيدي وفي وشي، علشان أعرف أتخانق، لكن ساعات مش بيكون عندي الحاجة دي، لكن ساعات الطاقة دي بتكون متجمدة جوا الجسم.
واختتمت : ساعات بكون في حتة خطر وبكون عايزة أجري لكن مش بعرف، وقتها كل الطاقة بتروح للرجل، لكنها مش بتتحرك، نفس الحاجة في التجمد بتكون عايز تعمل حاجة، لكن أنا لا عارفة أجري ولا عارفة أعمل أي حاجة، واتجمدت في مكاني مش علشان حاجة غير أنه عايز يحميني.
خطورة التروما
وتحدثت شايان رمضان من قبل عن خطور التروما، وقالت : خطورة التروما بتكون حسب طبيعة كل جسم، في الحالة دي والوقت ده والساعة دي، فلو حصل حاجة في الوقت ده أكبر من قدرتنا إننا نتحملها الطاقة اللي عايزة تطلع مش هتطلع وهتتخزن، وتخزين على تخزين بيخلي الجسم طول الوقت مش بيريح.
وتابعت : وقتها على طول تلاقي كتفك طالع عند ودانك، وفي أوجاع في جسمك ودايما متوتر.
معنى الـ Trauma
وتحدثت شايان من قبل عن تعريف الـ Trauma، وقالت : بقينا نسمع مصطلح التروما من غير ما نعرف أصلها، لكن الـ Trauma هي كلمة يونانية معناها الجرح ودي حاجة مش بنشوفها لكن بنحسها كل يوم، حسب إزاي بتتعاملي مع جسمك، وتابعت : التروما مش في الحدث، لكن، الجسم كان عنده استيعاب قد إيه بيتعامل مع الحدث ده.
ويعرف الخبراء التروما أو الصدمة، بأنها الحالة النفسية أو المرضية، وهي عاطفية ونفسية فعالة تنتج عن التعرض لحدث مؤلم، مرعب، أو مهدد للحياة مثل، الحرب، اختر، أو مفاجئ عزيز يتفوق على قدرة الفرد على الاختيار أو الاندماج، قد تؤدي إلى أعراض قلق واضطرابات طويلة الأمد.
