أحمد سعد : لما بفكر في حلمي اللي وصلتله بحس بانتصار على الأفكار اللي كانت بتقولي مش هتقدر
كشف أحمد سعد من خلال فيديو نشره عبر حسابه الرسمي على إنستجرام، عن رحلته مع النجاح والصراع الداخلي، مؤكدًا أن شعور الرضا الحقيقي لا يأتي فقط من النجاح، بل من الإحساس بأنه قام بما عليه بالكامل.
حالة رضا
وقال أحمد سعد: عندي حالة رضا كبيرة ودوقت حلاوتها وحسيت أنها لازم تفضل موجودة معايا، وحالة الرضا دي مش بتيجي علشان إنك نجحت ولكن علشان أنت عملت اللي عليك وحاسس بالرضا باللي نجح واللي منجحش، والمشكلة أنك بتتحارب ولكن مش من برا ولكن الحرب من جوه أنت تقدر ولا متقدرش أنت قد اللي بتقوله ولا لأ.
وأضاف: بصراحة مكنتش بلاقي حاجة غير موهبتي والمهم أنت بتعمل إيه كل يوم؟ لما بفكر أني وصلت للحلم اللي كان نفسي أوصله بحس بانتصار على الأفكار اللي كانت بتقولي مش هتقدر.
الألبوم الحزين
ومن ناحية أخري، حقق أحمد سعد نجاح كبير بتعاونه مع الملحن مدين للمرة الثالثة، في أغنية أنا مش فاهمني، واحتلا المرتبة الأولى في قائمة الأكثر رواجًا على يوتيوب، بمجرد طرحها.
صناع أغنية أنا مش فاهمني
أغنية أنا مش فاهمني هي أغنية درامية مميزة، يعتبرها مدين من أقرب الأغاني لقلبه في مشواره، وتعاون مدين في الأغنية مع الشاعر أحمد عيسى، وقام توما بتوزيعها والميكس، بالإضافة إلى أن الماستر للمهندس هاني محروس.
5 ألبومات جديدة لـ أحمد سعد
وفي سياق آخر، أحيا أحمد سعد مؤخراً حفلًا غنائيًا على مسرح Space 42 Arena في أبوظبي خلال عيد الفطر، وخلال الحفل، كشف أحمد سعد عن سر اختفائه الفترة الماضية، وخطته الفنية خلال عام 2026، مؤكدًا أنه ركّز على التحضير لأعماله الغنائية بشكل أكبر.
وقال أحمد سعد : بحضر بعد رمضان لـ 5 ألبومات، ومهما كانت الدراما والإعلانات مهمة وبتنجح، بس دي حاجات بتضيف للمنتج مش بتضيفلي، وكنت عايز أعمل حاجة لنفسي، وضحيت بفلوس كتير بسبب إني بحضر 5 ألبومات جديدة في رمضان 2026.
تفاصيل الألبومات
وأضاف : الألبومات هتبتدي تنزل الفترة الجاية، والأول هيكون ألبوم أغاني دراما اسمه الألبوم الحزين مكون من 5 أغاني، والتاني للفرفشة والهزار، والثالث أغاني صيف بترقّص، والرابع أغاني قديمة بموسيقى عربية زي أغاني أم كلثوم، والألبوم الأخير أوركسترا.
