برشامة يدخل نادي المئة ويحتل المركز الثامن بقائمة الأعلى إيرادًا في تاريخ السينما
حقق فيلم برشامة إنجازًا جديدًا في شباك التذاكر، بعدما واصل حصد الإيرادات العالية منذ طرحه في دور العرض، لينجح في كسر حاجز الـ100 مليون جنيه ويصل إجمالي إيراداته إلى 109 ملايين جنيه خلال 9 أيام، وبهذا الرقم يضع الفيلم اسمه ضمن قائمة الأفلام الأعلى تحقيقًا للإيرادات في تاريخ السينما المصرية، محتلاً المركز الثامن.
أحداث فيلم برشامة
وتدور أحداث الفيلم في إطار كوميدي يسلط الضوء على ظاهرة الغش في الامتحانات وكيف يمكن لشيء بسيط مثل برشامة أن تفتح بابًا لسلسلة من الأحداث غير المتوقعة، ويجسد هشام ماجد خلال الأحداث دور طالب ثانوية عامة يجد نفسه في مواجهة معلمة شديدة الذكاء تجسدها ريهام عبدالغفور تسعى لكشف أساليب الغش.
أبطال فيلم برشامة
ويشارك في بطولة فيلم برشامة كل من : هشام ماجد، ريهام عبدالغفور، باسم سمرة، طه دسوقي، ومصطفى غريب، مع عدد من ضيوف الشرف، تأليف أحمد الزغبي وشيرين دياب، إخراج خالد دياب، إنتاج أحمد الدسوقي شركة sky limit.
نص الوسط رفضوا يعملوا أشغال شقة وبرشامة
وكان قد أكد المؤلف خالد دياب مؤخراً تقديره الكبير للتعاون مع هشام ماجد، كما أشاد بالتزامه وروحه داخل فريق العمل، وقال : أستاذ هشام ماجد أشكرك إنك اديتني الفرصة إني أشتغل معاك بداية من أشغال شقة لحد برشامة، العملين دول اتعرضوا رسميًا على نص الوسط الفني ولم يرغب نجم أو نجمة إنهم يشتركوا فيهم، ثم جاء هشام ماجد فتغيرت المعادلة تمامًا.
وأضاف : هشام اسمه الحركي في الوسط الفني هو الألماني، مش عشان شكله لا، ده عشان التزامه، التزامه بالمواعيد والجاهزية والاجتهاد بدأ من العمل على النص مرورًا بالتصوير انتهاءً بالمونتاج
هشام ماجد هيكسر الدنيا في الأدوار الجادة
وتابع : ليه كل اللي بيشتغلوا معاه بينوروا؟ عشان هشام بيتعامل مع الأعمال الفنية بمنطلق كابتن فريق الكورة، يعني المهم الفريق يكسب مش مهم مين يحط الجون، فبيعمل أسيست للكل عشان يجيبوا جوان حلوة، فطبيعي أول ما لاعب يجيب جون يطلع يجري عليه ويحضنه كأنه بيقوله من غيرك عمري ما كنت هاجيب الجون بالحلاوة دي.
واختتم : هشام يعني القلب الأبيض والسند لكل الفريق، هشام مش كوميديان محترف لأ، ده ممثل متكامل ومحترف، وأوعدكم هتشوفوه في أدوار جد جدًا هتكسر الدنيا، وأخيرًا مفيش حد اشتغل معاه إلا بيحبه جدًا وأنا أولهم، وده من غير أي مبالغة.
