سلاطة أفوكادو على طريقة الشيف هويدا فرغلي في رمضان بالهنا
دائماً ما يشغل جدول إفطار رمضان بال السيدات، وتقعن في حيرة كبيرة، طوال الشهر الكريم، ويبقى السؤال المكرر : هنفطر إيه النهارده؟، هو ما يشغل بال الكثيرين، وهو ما يجيب عنه آخر خبر من خلال برنامج رمضان بالهنا، والذي يقدم يومياً وصفة جديدة لمتابعي ومشاهدي آخر خبر TV.
سلاطة أفوكادو صحية
استعرضت الشيف هويدا فرغلي، في الحلقة الـ 21 من برنامج رمضان بالهنا، الذي يعرض على آخر خبر TV، طريقة إعداد سلاطة أفوكادو صحية، بوصفة سهلة وسريعة.
وقالت الشيف هويدا فرغلي : النهارده هنعمل سلاطة الافوكادو بالجبنة البارميجان، وهرشحلكم المكونات وطريقة التحضير بالتفصيل.
شاهد بالفيديو ..
المكونات
نقطع الجرجير حتت صغيرة بالشكل ده، وبنشف الخس المقطع لقطع صغيرة من أي مياه، وبنحط الخيار ويكون قطع صغيرة، والافوكادو كمان بنعمله شرايح، وبننزل بيه على المكونات دي.
طريقة التحضير
وزير ما قولنا قبل كده الافوكادو من الحاجات المفيدة جداً، وقولتلكم منستخسرش في نفسنا أي حاجة حتى لو كانت غالية، كمان بنضيف نعناع أو بقدونس وأي حاجة خضراء، المهم إننا منضيفش ليها طماطم، وفجل وبصل أخضر ، وعين جمل على الوش، ونخلط المكونات دي كلها، وبنشيلها كده في التلاجة، وبنخلي الدريسنج قبل الأكل على طول.
مكونات الدريسنج
نحضر كبة، ومحط فيها كوب زبادي، وعليه معلقة عسل أبيض، ومعلقة طحينة، وأهم عنصر فيها هو الجبنة البارميجان، وليمون، ونعناع ناشف، وملح، وفلفل، ونقلب الصوص مع بعضه.
تيراميسو صحية على سفرة رمضان
وقامت الشيف هويدا فرغلي من قبل بتقديم وصفة تيراميسو صحية فى برنامج رمضان بالهنا، وقالت : كل سنة وأنتم طيبين بمناسبة شهر رمضان الكريم، النهارده حبيت أقدم لكم وصفة سحور مختلفة ومبتكرة، وهي التيراميسو لكن بطريقة صحية وخفيفة جداً تعتمد على الزبادي اليوناني، عشان تكون مريحة للمعدة في السحور وبعيدة عن الحلويات الدسمة.
فانيليا سائلة، وطبعاً كاكاو خام للتزيين.
طريقة تحضير الوصفة
أول خطوة بنبدأ بيها هي تغميس البسكويت في قهوة الإسبريسو بسرعة جداً عشان ما يدوبش مني، وبحطه في طبق التقديم كقاعدة أساسية، أنا بفضل النوع ده من البسكويت لأنه بيدي القوام الصح للتيراميسو.
بعد كده بجهز الكريمة، بجيب وعاء وبحط فيه معلقتين كبار من جبنة الماسكاربوني مع علبة الزبادي اليوناني. بضيف عليهم شوية قهوة صغيرين ورشة فانيليا، وبحلي الخليط بمعلقة كبيرة عسل نحل أو سكر ستيفيا حسب رغبتكم. بخلط كل ده كويس لحد ما القوام يبقى كريمي وناعم ولونه كافيه فاتح وجميل.
