عمرو محمود ياسين : أشفق على ياسمين عبدالعزيز ولا أعرف من وراء الهجوم عليها
نشر عمرو محمود ياسين عبر حسابه الرسمي على فيسبوك، رد على الشائعات التي انتشرت بعد اعتذار رامي صبري عن غناء تتر مسلسل وننسى اللي كان، المقرر عرضه في موسم دراما رمضان 2026، والتي ربطت الأمر بياسمين عبدالعزيز.
لا أعرف من وراء الهجوم عليها طول الوقت
وكتب عمرو محمود ياسين في منشوره : حقيقي أنا مش مصدق اللي بيحصل مع الفنانة ياسمين عبدالعزيز، لو تتر اتغير من حاجة لحاجة يبقى ياسمين، لو ممثلة أو ممثل بيقول جملة معينة هنا أو هنا يبقى ياسمين، طيب أنا رحت فين؟، لو حد لابس لبس معين يبقى ياسمين، لو شخصية متسمية اسم بعينه يبقى ياسمين، وأقسم بالله إن هذا غير حقيقي، لأن المسلسل له مؤلف ومخرج ومنتج وستايلست وأقسام تخصصية.
وأضاف: إحنا مش هواة، إحنا بنشتغل وكل واحد فينا بيحترم دور الآخر، وكل واحد مسؤول عن اختصاصاته ودوره في العمل،أكيد بنتشاور وبنفكر مع بعض كلنا للوصول لأفضل قرارات فيها مصلحة المشروع، بس الموضوع كله تصفية حسابات للأسف الشديد.
وتابع : وهي بقت مش عارفة تعمل إيه، لما تطلع ترد الناس تقول لها بتردي ليه؟ ولما تسكت الناس بتصدق الاتهامات، حقيقي أنا بشفق عليها، لكن اللي بيخليني أهدى إن ياسمين قوية جدا وبتقابل ده كله بسخرية وضحك، وبترد تقولي أنا مش شايفاهم بس، أنا متعود أواجه، والناس اللي بتتابعني عارفين عني ده، ولازم الجمهور يعرف الحقائق، لأن أنا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جدًا، وربنا يصلح حال الجميع، وخالص التقدير والاحترام للجميع.
أبطال مسلسل وننسى اللي كان
مسلسل وننسى اللي كان، من تأليف عمرو محمود ياسين وإخراج محمد الخبيري، وبطولة ياسمين عبدالعزيز، كريم فهمي، شيرين رضا، إيهاب فهمي، منة فضالي، خالد سرحان، محمد لطفي، محمود حافظ، منة عرفة، ليلى عز العرب، محمود عزب، عمر شرقي، أسما سليمان وآخرين، ومقرر عرض العمل عبر قناة MBC مصر، ليكون بذلك أول ظهور لـ ياسمين عبدالعزيز بعمل من بطولتها على شاشة القناة في موسم رمضان.
ياسمين عبدالعزيز وكريم فهمي في رمضان الماضي
يذكر أن آخر أعمال ياسمين عبدالعزيز وكريم فهمي الدرامية كان مسلسل وتقابل حبيب، الذي عُرض في رمضان 2025، وحقق نجاحًا جماهيريًّا واسعًا، متصدرًا قوائم المشاهدة طوال الشهر الكريم.
والعمل كان من تأليف عمرو محمود ياسين وإخراج محمد الخبيري وإنتاج شركة سينرجي، وشارك في بطولته إلى جانب ياسمين كل من كريم فهمي، خالد سليم، صلاح عبدالله، أنوشكا، نيكول سابا، بسنت شوقي، ندى موسى، حنان سليمان، محمود ياسين جونيور، إيمان السيد، وبدرية طلبة.
