أحمد زاهر يتحدث عن شخصيات بناته .. إعرف التفاصيل
تحدث أحمد زاهر خلال حواره مع آخر خبر TV عن طبيعة علاقته ببناته الأربعة ملك وليلى ونور ومنى، كاشفًا عن جوانب مختلفة من شخصياتهن، ومواقف طريفة تجمعه بهن داخل المنزل.
أحمد زاهر : بناتي الأربعة نقطة ضعفي
وقال أحمد زاهر : بضعف قدام بناتي كلهم، بس مش دايمًا، في الصح بس، وهم بيعرفوا يجيبوني بالدلع والهزار، بس أكتر واحدة بوافق لها على أغلب الحاجات ملك.
وعن ابنته التي يلجأ إليها عند الحاجة إلى رأي، أوضح : ملك طبعًا أكتر واحدة عاقلة، ودايمًا باخد رأيها في حاجات كتير، وملك وليلى صحابي، ودايمًا بتعامل معاهم على إنهم صحابي مش بناتي، وباخد رأيهم في شغلي ولو هنزل صورة على إنستجرام لازم آخد رأيهم في كل حاجة.
شاهد بالفيديو ..
أحمد زاهر : هعيط على بناتي كلهم لما يتجوزوا
أما عن الشخصية التي يخاف من تصرفاتها، فقال ضاحكًا : نور سهونة ومن تحت لتحت، وبحاول أقاومها، كما رد على سؤال : مين من بناتك مش هتعيط عليها، قائلًا : لأ، مفيش أي واحدة، هعيط طبعًا عليهم كلهم .
واستكمل : مفيش حد من بناتي نسخة طبق الأصل مني أو من هدى، كل واحدة فيهم ليها شخصيتها المستقلة، ممكن يكونوا واخدين بعض الحاجات مني أو من مامتهم، لكن مفيش حد زيي تمامًا، بس هم واخدين مني في الشغل الالتزام واحترام المواعيد، وإني لازم أبقى رايح حافظ ومذاكر من بالليل، حتى لو عندي 20 مشهد.
أحمد زاهر : بناتي عايزيني أكون على الموضة
وكشف زاهر أن ملك وليلى يشاركانه في اختيارات ملابسه، قائلاً : ملك وليلى بينتقدوا لبسي ويقولوا لأ يا بابا قديم، ومن فضلك البس بنطلونات واسعة، وهي دي الموضة دلوقتي، وأقولهم أنا مش عايز ألبس على الموضة، ويقولولي لا مش هتنزل غير لما تغير البنطلون، وكل بناتي بيعرفوا يضحكوا عليا.
وعن وزيرة الاقتصاد في المنزل، قال : مفيش وزيرة اقتصاد غير هدى مراتي أو أنا، إنما هم لا، ما بيفكروش في الحاجات دي، وتابع : أنا مربي بناتي على المسؤولية، ومرة كنت مسافر أنا ومراتي الكويت كان عندنا مهرجان، والبيت ولع، واللي أنقذت الدنيا كلها ملك، وخدت أخواتها والشغالين وطلعتهم بره وكلمت المطافي .
واختتم : ملك وليلى صحابي قوي، وبحط مع كل واحدة أسرار معينة، والاتنين بيكتموا السر.
