آخر خبر داخل لوكيشن مسلسل علي كلاي بطولة أحمد العوضي
حرص آخر خبر على التواجد داخل لوكيشن تصوير مسلسل علي كلاي، بطولة أحمد العوضي، والذي تحدث مع آخر خبر TV عن منافسته في سباق رمضان 2026، وتوقعاته للعمل، والنجمات المشاركات بجواره في البطولة.
حديث أحمد العوضي عن علي كلاي
وكشف أحمد العوضي في تصريح خاص عن سبب تمسكه بتيمة ابن البلد في أعماله، وقال : بحب أقدم المسلسلات الشعبية ودي تيمة أنا بحبها وبحب أقدمها دايمًا للناس اللي بتحبني وهم بيحبوا مني اللون الشعبي لأنه أقرب لذوق للناس في المسلسلات، وأنا بجيد فيه والناس بتحبه مني.
كما تحدث عن النجمات المشاركات معه، قائلًا : معايا 5 نجمات في رمضان، وسعيد بالتعاون معاهم كلهم سواء درة وريم سامي وسارة بركة لأول مرة، ويارا السكري ورحمة محسن للمرة الثانية بعد فهد البطل.
شاهد بالفيديو ..
وتابع : الناس اتعودت مني إني بنهي نهايات دايمًا مش سعيدة، ووعدت الناس إن السنة دي النهاية هتكون كويسة، ولكن المسلسل مش هيمشي طول الوقت سعيد، الدراما لازم يبقي فيها كده وكده، والناس هتنبسط خلال الـ 30 حلقة .
واختتم : بقدم المسلسل ده للناس اللي أنا بحس أن أنا منهم وشبهي وشبهم وبتبسط لما المسلسل يكون شغال في قهاوي مصر، وإن الشارع كله يتكلم عليه وبعتبر ده نجاح بالنسبة لي، ولما بقول مسلسل الشارع معناه أنه مسلسل الأغلبية وكل الشارع المصري بيشوفه.
أبطال علي كلاي
مسلسل علي كلاي يشارك فيه بجانب العوضي كل من درة، يارا السكري، عصام السقا، محمود البزاوي، انتصار، عمر رزيق، أحمد عبدالله، طارق الدسوقي، وآخرين، والعمل من تأليف محمود حمدان وإخراج محمد عبدالسلام، وإنتاج شركة سينرجي للمنتج تامر مرسي.
العوضي في رمضان الماضي
وعُرض لـ أحمد العوضي في موسم رمضان الماضي 2025، مسلسل فهد البطل، والذي شارك فيه كل من أحمد عبدالعزيز، ميرنا نور الدين، عصام السقا، لوسي، كارولين عزمي، عايدة رياض، صفاء الطوخي، حجاج عبدالعظيم، محمود البزاوي، يارا السكري، وصفوة، تأليف محمود حمدان، إخراج محمد عبدالسلام، وإنتاج شركة سينرجي.
وجسد العوضي خلال مسلسل فهد البطل شخصية صنايعي رخام صعيدي يأتي من الصعيد للقاهرة للعيش بالعاصمة وتمر حياته بالعديد من الأزمات، والعمل حقق نجاحًا كبيرًا وتصدر نسب المشاهدة وقت عرضه.
